ތަފާސްހިސާބު

01މާރޗް 1961 ވަނަ ދުވަހު، ދިވެހި ސަރުކާރުން ހުވަދުއަތޮޅު ދެ ސަރަޙައްދަކަށް ބައިކުރެއްވިއެވެ. އެއީ ހުވަދުއަތޮޅު އުތުރުބުރި (ގއ) އަދި ހުވަދުއަތޮޅު ދެކުނުބުރި (ގދ) އެވެ. މި ބައިކުރެއްވުމާ ގުޅިގެން، ހުވަދުއަތޮޅު އުތުރުބުރީގެ އަތޮޅުވެރިކަން ކުރާ ރަށެއްގެ ގޮތުގައި ގއ.ވިލިނގިލި ކަނޑައެޅުއްވިއެވެ.

ވިލިނގިލި އޮންނަނީ ދުނިޔޭގެ އެންމެ ބޮޑު އަތޮޅުތަކުގެ ތެރެއިން އެއް އަތޮޅު ކަމަށްވާ ހުވަދުއަތޮޅުގެ އިރުއުތުރު ފަރާތުގައި، މާލެއިން ގާތްގަނޑަކަށް 378 ކިލޯމީޓަރު ދުރުގައެވެ. ދެކުނުން އޮންނަ ކޫއްޑޫ އެއާޕޯޓުން މާލެއާ ގުޅެއެވެ.